日出康城低水買得過？

日出康城又將有新一期招標，更有機會創區內單位面積最小，有網民就發帖問，該區私樓低水，上車或換樓機會都有些，而該區又好唔好住呢？ 首先計下日出康城及將軍澳市中心，樓價差幾遠。

1. 緻藍天面積791呎3房戶，成交價1040萬元，呎價13148元。

2。天晉1期面積708呎3房戶，成交價1395萬元，呎價19703元。

以上述兩個單位比較，可見日出康城呎價平約3成。樓價有折讓，有網民就指出，其實價錢反映，所有不利因素，最大問題是，日出康城配套不足夠，完全唔係一個社區，更形容係「日日好似運輸帶咁返工放工，出地鐵站無街，得天橋，一條路行返自己果座。」

另外，交通問題亦都係致命傷，如果趕唔上地鐵，再要等十幾分鐘，食肆選擇非常少，簡直係終極美食荒漠。不過，大型商場明年開幕，將軍澳跨灣連接路同將軍澳至藍田隧道，未來2、3年後會通車，料屆時有利物業升值投資價值。

網民點睇

澄XX練：好差，日日好似運輸帶咁返工放工，完全唔係一個社區。因為一出地鐵站無街，得天橋，一條路返自己果座。出租都唔差，自用一般。

若X若離：冇揸車嘅絕對唔建議住，交通唔方便，地鐵miss左班車有排等。得一間大家樂，惠康同萬寧，夏天間中仲會有臭味傳過黎。

太陽X：成日話臭果啲究竟有無住過，甚至入過黎？我住快2年真係唔覺會臭，交通唔方便就真係嘅，下載個地鐵app同九巴app，計好時間先落去係ok既。

千年X妖：都係嗰句 將軍澳地鐵沿線樓賣緊屯門價錢總有原因的，食係另一個致命傷，依家得會所餐廳同大家樂，想自己煮都係得間惠康，呢區直頭係終極美食荒漠。不過商場明年底開幕，咁就要問下自己肯唔肯挨埋呢一年囉。環保大道都繼續會有泥頭車經過，值唔值得投資呢區就自己諗啦。